وہ جو بہت ہنستی ہے
ہر اک کا خیال رکھتی ہے
نہ کوئ شکایت کرتی ہے
نہ الجھن ظاہر کرتی ہے
ہر میٹھا بول وہ کہتی ہے
ہر کڑوی بات کو سہتی ہے
وہ جس کی کالی آنکھوں میں
ہر دم اک چمک سی رہتی ہے
وہ راتوں کو روتی ہے بہت
وہ اپنے غم چھپاتی ہے
وہ صرف اپنے رب کو ہی
اس دل کا حال سناتی ہے
آنکھوں سے جھلکتے ہوئے موتی
صرف اُس کو ہی دکھاتی ہے
پھر شکر ادا کرتی ہے
پھر آنسو صاف کرتی ہے
اُس پیارے رب کی مرضی میں
وہ ہمیشہ راضی رہتی ہے
وہ جو بہت ہنستی ہے
وہ جو بہت ہنستی ہے
