Mujhe kahanio se muhabbat hai. Main kab tak uske kirdaron ke sath hun yeh agli kahani ke parhne par munhasir hota hai. Wo kirdaar mere dost ban jate hain kai der mehwe guftugu ke bad wo apne ikhtitam ki manand mere pas se bhi chale jaate hain. Wo jate to hain lekin wo mere dil ke kisi tareek khane ko roshan karte hue usme rehte hain aur kabhi mazi ki hawa chale to wo sar sara kar urte hain. Safhe palat jate hain aur wo kisi poorane ache dost ki tarah mujhe gale se lagalete hain…
Unke sath rehna pasand to hai lekin muje banane wala haqeeqi hai aur usne iss fani dunya me mujhe kuch der kelie sahi haqeeqat banaya hai..jab kahanio se uthti hun to dam zaroor ghut jata hai magar haqeeqat to talne se tal nai jati.
Likhne wale mujh jese qaari se yaqeenan khush hote hongy. Main kirdaron ke hamrah milti hun unse unhi me phir amanatan kirdar qiyamat tak qubool karleti hun..
Kahania parhne walon aur likhne walon ko aur koi hasrat ho na ho hasrat e tanhai hoti hogi..har waqt kirdaaron ka sath jo hota hai.
Ab mere aur rab ki guftugu mein kuch ye kahania bhi ronak lagati hain….
By Goher E Nayyab
